Описание иконы Божией Матери Благодатное Небо:
Предание гласит, что в Москву образ привезён великой княгиней Софьей, дочерью литовского князя Витовта, ставшей женой великого князя Василия Дмитриевича (1389–1425 г.г.) Вокруг БогоМатери текст молитвы Богородична первого часа: «Что Тя наречем, о Благодатная? Небо, яко возсияла еси Солнце Правды; рай, яко прозябла еси Цвет нетления; Деву, яко пребыла еси нетленна; Чистую Матерь, яко имела еси на святых Твоих объятиях Сына, всех Бога. Того моли спастися душам нашим».
Иногда этот образ по первым словам молитвам называют «Что Тя наречем». Старообрядческие варианты этой иконы Божией Матери часто называют «Что Тя наречем, Обрадованная». Именно так начинался текст молитвы Богородице до реформ патриарха Никона.
Пред иконой Пресвятой Богородицы «Благодатное Небо» молятся о наставлении на путь, ведущий ко спасению и наследию Царствия Небесного, а также об исцелении различных душевных и телесных недугов, о благополучном путешествии на воздушном транспорте, от ересей и расколов, о наставлении в Православной вере.
Молитва ко Пресвятой Богородице пред Ее иконою «Благодатное Небо»
Что Тя наречем, о Благодатная Богомати Богоотроковице, Пренепорочная Марие?
Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без Матери и воплощеннаго в Твоей утробе и с нетленною печатию девства Твоего родившагося.
О, чудо всех древних и новых чудес! Непреложное слово Самаго Бога о победоносном семени жены и исполнися и совершися в Безмужней Деве.
О, неизмеримая глубина премудрости и величия Божия! Киими имены наречем Тя, о Невесто Неневестная? Зарею ли наречем Тя восходяшаго на небе солнца? Но Ты — самое Небо, из Тебе бо возсия Солнце Правды — Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий и отгоняющий смердение греха и зловоние прародительскаго тления. Наречем ли тя юною Непорочною Девою, не познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и праматерей? Но Ты не токмо родила Того Младенца Христа, но и носила Его при Своих персех и питала Твоим матеродевственным млеком, Того, Иже питает всякое создание, Емуже со страхом и трепетом предстоят Небесные силы и Его же хвалит всякое дыхание и тварь.
О, воистину Ты дивная еси в женах, чудная в девах, неподражаемая в матерех! К Тебе пред Твоим Божественным ликом припадаем и пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.
Тропарь, глас 6
Что Тя наречем, о Благодатная?
Небо? — яко возсияла еси Солнце Правды;
рай? — яко прозябла еси Цвет нетления;
Деву? — яко пребыла еси нетленна;
Чистую Матерь? — яко имела еси на святых Твоих объятиях Сына, всех Бога. Того моли спастися душам нашим.
Кондак, глас тойже
Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся.
Величание
Величаем Тя, Пресвятая Дево, и чтим образ Твой святый, имже болезни наша врачуеши и души наша к Богу возводиши.
